Engelse spelwoorde vir graad 1

Engelse klinkers klink anders

Die u in sun, bus en cup klink amper soos die a in “kat”. Daarom wil kinders dikwels ’n a skryf waar ’n u moet staan. Die a in cat en hat klink weer amper soos die e in “ek”.

Pas ook op vir die j in jam. In Engels klink dit soos “dj”, nie soos die Afrikaanse j in “ja” nie.

Sê die woord stadig en laat jou kind elke klank afsonderlik hoor: c, a, t. Skryf dan die drie letters saam neer. Kort woorde soos dié is die boustene vir alles wat later kom.

Oefen vyf minute per dag

Kies een stel van tien woorde vir die week. Laat jou kind elke dag die woorde hoor en tik, net vyf minute lank. Woorde wat verkeerd is, kom weer terug totdat jou kind dit ken.

Is jou kind se skoollys anders? Tik op Oefen hierdie woorde en verander die woorde sodat die stel presies by die skool se lys pas.